A comisión de medio ambiente comezou a traballar o curso pasado coa participación de persoal docente e non docente. Este ano queremos contar coa colaboración do alumnado e darlle unha dimensión europea.
Por iso, precisamos tamén representación do alumnado que se comprometa a formar parte do equipo de sostibilidade e medio ambiente da escola para promover o desenvolvemento sostible da escola e da contorna. Se tedes interese en participar neste proxecto, escribide un correo electrónico a eoi.lugo.medioambiente@edu.xunta.gal.
Ademais, seleccionaremos cinco persoas para realizar unha mobilidade Erasmus + e facer unha observación do traballo a ONG Slovak Eco Quality en Bratislava, que desenvolve proxectos para promover a sostibilidade a nivel europeo.
Máis abaixo podedes atopar a información máis detallada e o formulario para solicitar esta mobilidade.
Proceso de selección
16-23 de setembro: envío de solicitudes
25 de setembro ás 10 h: publicación da listaxe provisional de persoas seleccionadas.
25-28 de setembro: presentación de reclamacións
29 de setembro ás 21 h: publicación da listaxe definnitiva de persoas seleccionadas.
Datas da mobilidade
Do 24 ao 27 de outubro de 2026
Obxectivos da mobilidade
Coñecer de preto os proxectos da ONG Slovak Eco Quality
Intercambiar experiencias con outras institucións relacionadas coa defensa do medio ambiente.
Traer ideas e estratexias sostibles para aplicar na nosa escola.
Establecer un intercambio cultural con outros países da Unión Europea, empregando as linguas de estudo como lingua vehicular.
Profesorado acompañante
Aida Prado Noya (profesora de inglés na Sección de Sarria e membro do equipo de internacionalización)
María José Veiga Díaz (profesora de alemán e coordinadora de internacionalización)



Aunque no tengo experiencia en ello, me gustaría formar parte de este interesante proyecto de Medio Ambiente y Sostenibilidad.
Bo día, moitas grazas por interesarte nest proxecto. Podes mandar un correo cos teus datos a eoi.lugo.medioambiente@edu.xunta.gal?
Bo día, moitas grazas por interesarte neste proxecto. Podes mandar un correo cos teus datos a eoi.lugo.medioambiente@edu.xunta.gal?
Pingback: A sostibilidade tamén se aprende en Europa: rumbo a Bratislava – Equipo de sostibilidade da EOI de lugo